Day 2 (2016-11-21) : 出發到日光
又係一早就要起身，係酒店食完早餐就要趕去搭火車出發去日光。
尋日來到淺草已經天黑晒，今朝出左酒店門口先發現，原來酒店格離就係 Bandai本社 バンダイ本社ビル ，見到有麵包超人、叮噹，當然又要來個合照先啦。
去到東武淺草駅，出示尋日預早買定既 All NIKKO AREA PASS , 順利登上火車。由於係淡季，搭車既人唔多。
搭9:10火車，車程2小時11分，11:21到達東武日光駅。
|
|
|
|
去到東武日光駅仲要轉巴士先到今晚住既酒店 日光季の遊 。認住足利銀行個招牌就好易搵到。有 All NIKKO AREA PASS 就可以免費乘搭巴士，巴士站就係正酒店門口同對面馬路，超方便。
|
|
|
放低左行理就立刻要搭巴士去第一個景點 明智平ロープウェイ，有 All NIKKO AREA PASS 可以用660円買到原價730円來回吊車票
|
|
|
上到山頂會見到另一個景點 華厳ノ滝 同 中禪寺湖，當日得個5度，帶唔夠衫，影完幾張相就係拿拿臨走人。由於上 明智平ロープウェイ 既路係單程路，搭巴士走只可以往 中禪寺湖 方向繼續走。
|
|
|
又凍又餓，搭巴士去到 中禪寺湖 附近先有幾間食店，求其搵間入左去。 かみやま 呢間食店係兩公婆打理，年紀都起碼60歲以上。初初入到去見冇其他食客以為中伏又或者係淡季所以沒有遊客，但又凍又餓都要醫肚行先，所以我就揀左日光出名既腐皮配拉麵（湯波拉麵），另外就叫左一份日式豬排定食。
寄怪既事突然發生，有一行十幾人突然入來食午餐，看他們應該是台灣人，全部都是上年紀的女人。
等左十幾分鐘，終於有野食，食物水準不俗，亦嘗過日光名物腐皮。
食飽又要搭車去下一個景點。
搭返同一條巴士路線向相同方向不一會就到達 竜頭ノ滝 ，其實唔去都冇咩損失。影完相跟住就搭巴士向回程方向出發。
|
|
|
去到 華厳ノ滝 只不過係 5:00左右，但係天已開始黑，售票處有職員用日文向遊客講，意思係天開始黑，落到去未必睇得清楚，有部分人選擇離開亦有人選擇買票入內，我地選擇左買票參觀550円，呢個決定似係錯誤的。原本還以爲趕得及，點知搭電梯落到底，天色已全黑。什麼也看不見！好彩早上曾經係 明智平ロープウェイ 遠眺。
|
|
|
5點左右天已經黑齊，但其實仲係好早，無理由咁早返酒店，況且酒店沒有晚餐提供，我地決定先去日光駅的商店行一陣。
揚げゆばまんじゅうのさかえや 東武日光駅前店，來到日光一定要試呢樣野叫"炸湯葉饅頭"，外酥內軟，炸皮香脆，而且會有點鹹鹹的，炸物裡面包的則是紅豆泥，鹹甜兩味加起來完全不油膩，而且還非常相襯，超級好吃！200円一件，買一件老闆都會比杯茶你飲，加小小鹽會更加好食。
日光駅附近行左一陣又開始肚餓，入夜既日光原來真係好難搵地方食晚餐，好彩酒店附近比我地搵到呢間 ひっぱり凧 ，我地又再食湯波拉麵加多一份串燒定食。食飽飽又返酒店浸溫泉結束第二日行程。
|
|
|
上一篇：Day 1 ：香港出發
下一篇：Day 3 ：日光江戶村
留言列表
{{ article.title }}