MekoDog 的部落格

Day 3 (2016-11-22) : 日光江戶村

今日原本可以瞓晏些少，但係未夠7點就比地震震醒左。手機App不停響，報告有關地震消息。開電視睇，原來係日本福島縣對開海域發生 7.4 級強烈地震，鄰近宮城縣的仙台港，錄得高達 1.4 米的海嘯。見咁大單野就去窗邊睇下有冇人走出街避難，點知成條街都冇人，其他房間又冇咩動靜，所以都係瞓到有早餐食先起身。

食完早餐就出發。今日得一個行程就係日光江戶村。日光江戶村有免費巴士接送，酒店離接駁巴士站都係幾分鐘路程，雖然有 NIKKO ALL AREA PASS 搭本地巴士唔使錢，但我地就慢慢行過去。先經過 神橋 。神橋是日本唯一的古橋，也是日本三大奇橋之一。

好快就去到接駁巴士站，巴士就停係 冨士屋観光センター 對面，我地早左到，司機見到我地就好開心問我地買左入塲券未，因為日光江戶村既網頁內有割引券，我地原本打算到場先去購票，但司機就帶咗我地入去 冨士屋観光センター ，原來係入面買先係最平，真係要多謝個位司機。全車得我們兩個同另外一家三口的西人。

9:50準時開車，10:30準時到達日光江戶村。入到去見到吉祥物即刻排隊影相。

睇完忍者Show，一眾演員出來跟遊客合照。

玩左大半日，搭免費接駁巴士返日光，但我地就係 JR日光駅 落車，跟住去左附近一間超級市場 リオン・ドール日光店 ，入面有熟食、壽司等等。買左壽司做晚餐然後再搭巴士返酒店。

上一篇：Day 2：出發到日光

下一篇：Day 4 : 日光＋鬼怒川